SPANJE – Kjo histori është e pabesueshme dhe është e rëndësishme për shkak të ankandit të ardhshëm (28 tetor) të fanelës që Diego Maradona veshi në gjysmën e dytë të finales së Kupës së Mbretit të vitit 1984 midis Barcelonës dhe Athletic Bilbaos (finale 0-1 për Bilbaon), një finale historike që përfundoi në një betejë të ashpër, me lojtarët që hidhnin shkelma fluturuese… dhe ‘El Diez’ ishte në qendër të gjithë kësaj.
Bluza e Diegos u gris në betejë dhe do të dalë në ankand atë ditë nga ‘Matchday Football Auctions’. Interesante është se është bluza e fundit që “El Pelusa” veshi për Barçën përpara se të nisej për në Napoli. Një ndeshje që shënoi fundin e karrierës së Maradonës te Barça.
Ndeshja ishte më 5 maj 1984, midis Barçës së César Luis Menottit dhe Athletic Club të Javier Clementes, e luajtur në Santiago Bernabéu. Gjërat ishin tashmë të nxehta për shkak të dëmtimit të rëndë që Andoni Goicoechea, qendërmbrojtësi i Bilbaos, i kishte shkaktuar ’10’-shit muaj më parë. Një ndërhyrje kriminale.
Pati aq shumë shqelma, grushte dhe sulme të tjera saqë fanela me numrin 10 të argjentinasit përfundoi e grisur në gjoks. Por… ku përfundoi ajo fanelë? Na tregon Yael Rodríguez e Matchday Football Auctions.
Ja çfarë na tregon ai nga Buenos Aires: “Fanelën e mori në stadium, të humbur, një punonjëse e lavanderisë së Barçës. Meqenëse nuk mund ta riparonin – në ato kohë i përdornin të gjitha – punonjësja e mbajti dhe e futi në një bagazh. Ajo grua ia dha fanelën pronarit të një bari të frekuentuar nga punonjësit e klubit. Ajo familje e mbajti për gati 40 vjet dhe djali i tyre na e dha këtë vit. Ne e verifikuam autenticitetin e saj dhe udhëtuam për në Barcelonë për ta marrë.”
Çuditërisht, kur shkuan për të marrë sendin, hasën rastësisht presidentin e klubit Joan Laporta, i cili e njohu shpejt dhe u ndal për të folur me ne. “Ai na tha se ishte në Bernabéu atë ditë si çdo tifoz tjetër dhe e njohu menjëherë fanelën.” Më 28 tetor, ajo do të ketë një pronar të ri … pas pagesës prej sa mijë eurosh? Çmimi bazë i saj është 30.000 dollarë.