Çifti i njohur i showbizit shqiptar, Einxhel Shkira dhe DJ Dagz, vijojnë të jenë një nga historitë më të dashura për publikun.

Edhe pse të dy kanë kalendar të ngarkuar me angazhime, përpiqen që çdo moment ta shfrytëzojnë për të qenë pranë njëri-tjetrit. Por, duket se Einxhel ka zbuluar një metodë mjaft të veçantë për ta bindur partnerin e saj që të kthehet më shpejt në shtëpi.

“Si ta sjell në shtëpi me kohë”. Në një postim në rrjetet sociale, gazetarja ka ndarë një foto të bisedës së saj me Dagzin, ku shihet se i ka dërguar një imazh nga furra e mbushur me ushqime të sapopjekura.

Me humor, Einxhel shkruan: “Si ta sjell në shtëpi me kohë.”

Kjo ka bërë që ndjekësit e çiftit të shpërthejnë në komente, duke i cilësuar si një nga çiftet më simpatike dhe me energji pozitive të showbizit shqiptar.

Prej kohësh, Einxhel dhe Dagz ndajnë momente të veçanta të përditshmërisë së tyre me fansat në rrjetet sociale, duke i bërë ata pjesë të historisë së tyre të dashurisë që nisi në shtëpinë e “Big Brother VIP Albania”.