Në emisionin “Ftesë në 5” me Bieta Sulon, tema “Moda e burrave: Nga jeleku te xhaketa oversize, si ka ndryshuar veshja e burrave ndër vite” solli debate interesante mes të ftuarve.

Ish-banori i edicionit të dytë të “Big Brother VIP”, Krist Dragot, rrëfeu se edhe në marrëdhënien e tij ka debate të forta për mënyrën se si vishen. “Kam bërë debat me partneren time për të veshur një kombinim që donte ajo, por në fund kam bërë siç doja vetë”, tha ai.

Kristi shtoi se nuk është e nevojshme që partnerja të pëlqejë çdo stil që ai zgjedh: “Nuk më duket se do ishte ideali i vet një mashkull që vishet si unë. Ndoshta ka një ideal tjetër. Jam i sigurt.”

I pyetur nga Arjon Muça për takimin e parë me të dashurën, Krist Dragot zbuloi: “Po, pa rroba fare.” Ai theksoi gjithashtu se debatet për veshjen shpesh lidhen me kontrollin në marrëdhënie: “Është debat i fortë. Në një marrëdhënie ke qejf kontrollin në një farë mënyre dhe mënyra se si vishet një person tregon a ka shumë kontroll te ti apo s’ka.”