Rruga e Bardha Lekës në botën e bukurisë ka filluar 15 vite më parë, me pasion dhe përkushtim për estetikën dhe artin e bukurisë. Pas suksesit të parë në Kosovë me Beauty Academy dhe kërkesës në rritje nga vajzat shqiptare, Bardha vendosi të zgjeronte veprimtarinë e saj drejt Tiranës, duke qënë më afër klientëve dhe studentëve të saj.Nga ky vizion lindi Elite Academy, e vendosur në Lake View Residences, një qendër e specializuar ku bukuria nuk është thjesht shërbim, por art.

Elite Academy ofron shërbime të veçanta dhe inovative, përfshirë trajtimin e vetullave, buzëve, si dhe teknologji të avancuar lazer. Lazerët e përdorur nuk shërbejnë vetëm për trajtime të zakonshme, por edhe për eliminimin e tatuazheve në trup dhe fytyrë. Kjo e bën qendrën një nga më moderne dhe të avancuara në rajon, duke kombinuar sigurinë, efektivitetin dhe profesionalizmin në çdo trajtim.

Gjithashtu ofron trajnime profesionale për të gjithë ata që duan të përvetësojnë dhe të perfeksionojnë aftësitë e tyre në fushën e bukurisë. Bardha Leka është e para që ka kryer trajnimet e para ndërkombëtare ComboBrows, duke sjellë njohuri ekskluzive dhe teknika të certifikuara në Shqipëri. Akademia synon të krijojë profesionistë të përgatitur, të aftë dhe inovativë që mund të konkurojnë në tregun global.

Me hapjen e saj në Tiranë, Bardha Leka ofron mundësinë që studentet të jenë më afër saj dhe të përfitojnë nga njohuritë dhe përvoja e saj e pasur. Ky është një hap i madh për industrinë e bukurisë, duke kombinuar trajtime estetike të avancuara me edukim profesional dhe artin e bukurisë.