Një studim i ri shkencor sugjeron se një përbërës kimik që gjendet në çokollatën e zezë mund të lidhet me një ngadalësim të procesit të plakjes biologjike.

Hulumtimi, botuar në revistën Aging, ka treguar se teobromina, një substancë natyrale që vjen nga fasulet e kakaos shoqërohet me shenja të një “moshe biologjike” më të ulët tek njerëzit që kanë nivele më të larta të saj në gjak, në krahasim me moshën e tyre reale.

Këto rezultate u arritën duke analizuar dy grupe studiuesish evropianë, ku teobromina u lidh me ndryshime në ADN dhe me gjatësinë e telomereve, strukturave që lidhen me plakjen qelizore.

Shkencëtarët theksojnë se ky lloj studimi vëzhgues nuk provon një efekt shkak-pasojë dhe se nuk është një arsye për të ngrënë më shumë çokollatë, sidomos për shkak të sheqerit dhe yndyrnave që ajo përmban. Megjithatë, zbulimet mund të ndihmojnë në kuptimin se si përbërësit e ushqimeve të përditshme, si teobromina, mund të jenë të lidhur me shëndetin dhe jetëgjatësinë.