Prime-n e djeshëm në “BBV5”, këngëtari i njohur Erik Lloshi është bërë pjesë e shtëpisë si banori më i ri. Emri i Erikut ka qenë i përfolur prej disa muajsh në rrjete sociale se do të ishte pjesë e “BBV”.

Në një intervistë të tij para disa muajsh në “Live From Tirana”, Eriku ka treguar se ka patur ftesë nga produksioni, por pjesëmarrja në këtë reality show mund të ishte fatale për të. Këngëtari zbuloi atë kohë se edicionin e kaluar kishte vendosur që të nënshkruante kontratën me stafin, por në momentin e fundit ka reaguar bashkëshortja e tij:

“Nëse ti futesh në Big Brother, bëj gati divorcin. Mua nuk më pëlqejnë këto gjëra, nuk i kam qejf”

Eriku është shprehur: “Nuk mund të them që nuk ka qenë dëshira ime, edhe ftesën e kam pasur. Po të tregoj për vjet, një histori që është e bukur, por mund të ishte dhe fatale për mua. Në momentin që mora vendimin për t’u futur në “Big Brother”, ose më saktë për të shkuar të nënshkruaja kontratën me stafin, më doli gruaja përpara dhe më tha: ‘Nëse ti futesh në “Big Brother”, bëj gati divorcin.” Është e vërtetë kjo. Tha: ‘Bëj gati divorcin, se mua nuk më pëlqejnë këto gjëra, nuk i kam qejf.’

Dhe në fund unë zgjodha familjen, patjetër. Dhe unë mendova se po bënte shaka, por e kishte me të vërtetë shumë seriozisht. Nuk e di se me çfarë mendje është këtë vit, por…

Ka disa njerëz që i përballojnë gjërat e partnerit, ka dhe që nuk i përballojnë. Romina është një lloj personi që ka zgjedhur të bëjë një jetë komplet tjetër, do një jetë larg mediave, edhe pse është një nga personat më të artikuluar që unë kam njohur ndonjëherë. Në një intervistë që kemi qenë me dikë, i ka thënë që nëse do bënte ndonjë emision në radio, do bënte goxha emër. Ka qenë vetëm dy herë pjesë e intervistave të mia dhe është betuar që nuk vjen më kurrë, sepse nuk i pëlqen vëmendja fare”

Me hyrjen e tij mbrëmjen e djeshme në “BBV” të gjithë janë kuriozë të dinë se çfarë ka ndodhur me martesën e tij.