Dua Lipa dhe aktori britanik Callum Turner duket se janë gati për të kurorëzuar dashurinë e tyre me martesë. Sipas raportimeve të mediave rozë, çifti po planifikon një dasmë përrallore në Itali.

Së fundmi, ata janë parë në një restorant në shoqërinë e planifikueses së njohur të eventeve, Alessandra Grillo, çka ka ndezur menjëherë aludimet për një ceremoni që mund të zhvillohet në pranverë. Burime pranë tyre sugjerojnë se vendi i preferuar është Cernobbio, një prej perlave buzë Liqenit të Como-s, i njohur për elegancën dhe romantizmin që ofron.

Italia nuk është një zgjedhje e rastësishme për artisten me origjinë shqiptare, e cila shpesh zgjedh këtë destinacion për pushimet e saj.

Alessandra Grillo, e cila ka organizuar më herët dasma të bujshme për emra të njohur si Fedez dhe Chiara Ferragni, Alena Seredova dhe Alessandro Nasi, konsiderohet garanci për një organizim luksoz dhe të kuruar në detaje.

Një vit pas fejesës së tyre zyrtare, gjithçka tregon se Dua dhe Callum janë gjithnjë e më pranë ditës së madhe.