Çifti viral i Përputhen Arnoldi dhe Katerina, prej kohësh mungonin në emisionin e dashurisë, por duket se me një justifikim mjaft të bukur. Një lajm që gëzoi të gjithë dashamirësit e çiftit. Dyshja është në pritje të fëmijës së tyre të parë.

Lajmi i bukur u zbulua në emision ku nisi dhe dashuria e tyre, përmes një videoje të publikuar në faqen zyrtare, çifti shfaqet gjatë një vizite mjekësore ku Katerina kryen ekon e bebit, e shoqëruar nga gjysma e saj Arnoldi.

Një moment ky i rëndësishëm për formatin, pasi bëhet fjalë për fëmijën e dytë që vjen në jetë nga një çift i njohur e i krijuar në këtë emision, pas atij të Vedatit dhe Roelës.

Që nga fillimi i këtij sezoni në muajin shtator, Arnoldi dhe Katerina kanë qenë padyshim ndër protagonistët kryesorë. Rrugëtimi i tyre në ekran u shoqërua me shumë ulje-ngritje, duke përfshirë momente afrimiteti të madh, por edhe debate të forta e xhelozi të shpeshta brenda studios.

Megjithatë, pavarësisht vështirësive dhe paqartësive që çuan në zhdukjen e tyre nga emisioni, dyshja duket se e ka konsoliduar marrëdhënien jashtë syrit të kamerave, duke e kurorëzuar dashurinë e tyre me këtë pritje të ëmbël.