Një moment romantik dhe i papritur ka ndodhur në shtëpinë e Big Brother VIP Albania, gjatë një darke të organizuar nga Vëllai i Madh për banorët.

Gjatë mbrëmjes, Mateo vendosi të bëjë një hap të rëndësishëm në raportin e tij me Brikenën. Ai e ftoi për një kërcim dhe, mes emocioneve, i shprehu ndjenjat duke i bërë një pyetje të drejtpërdrejtë: nëse do të pranonte të ishte e dashura e tij.

Në fjalën e tij, Mateo theksoi se rrugëtimi i tyre në shtëpi ka qenë i gjatë dhe i vështirë, por njëkohësisht shumë i veçantë për të. Ai u shpreh mirënjohës që janë rigjetur pas kaq vitesh dhe shtoi se dëshiron që lidhja e tyre të vazhdojë edhe jashtë formatit, duke përmendur me humor edhe një dasmë të madhe në të ardhmen.

Nga ana tjetër, Brikena nuk e fshehu emocionin, por kërkoi siguri për ndjenjat e tij, duke pranuar se edhe ajo ka nisur të ndjejë diçka për të. Pas konfirmimit të Mateos, ajo i tha “po”, duke e bërë zyrtare lidhjen e tyre brenda shtëpisë. Ky moment është pritur me entuziazëm nga banorët dhe pritet të jetë një nga episodet më të komentuara të këtij edicioni të Big Brother VIP Albania.