Mbrëmjen e djeshme në Pallatin e Kongreseve në Tiranë është organizuar një prej dasmave më madhështore të muajve të fundit, edhe përsa i përket numrit të të ftuarve. Më shumë se 1 mijë njerëz janë mbledhur për martesën e djalit të biznesmenit Kadri Morinaj, pronar i EUROSIG.

Për shkak të numrit mjaft të madh të personave të pranishëm në ceremoni, eventi u mbajt në sallën e panaireve të Pallatit të Kongreseve, ndërsa dekori u organizua nga Alketa Vejsiu. Kreshnik Morinaj, djali i madh i biznesmenit kurorëzoi dashurinë e tij me Sindin, ndërkohë që të ftuar ishin një sërë personazhesh të njohur të biznesit, politikës dhe artit, jo vetëm në Shqipëri, por edhe në Kosovë.

Siç shihet dhe nga pamjet nga ceremonia, e gjithë salla është transferuar në një kopsht gjigand lulesh, ndërsa shumë këngëtarë kanë qenë pjesë e dasmës, për të performuar për të ftuarit.