Një rrëfim i dhimbshëm dhe i papritur është bërë sot publik nga ish-banori i Big Brother, Qetsor Ferrunaj, në studion e “ABC e Mëngjesit”. Duke folur për fëmijërinë dhe të kaluarën e tij, Qetsori deklaroi se ishte abuzuar që në moshën 5-vjeçare.

Ai tregoi gjithashtu se për vite me radhë kishte mbajtur të fshehtë traumën, ndërsa personat që e kishin abuzuar e kishin kërcënuar edhe me jetën e motrës nëse do të fliste.

“Më kanë abuzuar që kur isha 5 vjeç”, rrëfeu ai, duke shpjeguar se i është dashur një kohë e gjatë për të punuar me veten dhe për të gjetur forcën për të folur publikisht.

Qetsori foli edhe për pasojat që, sipas tij, trauma e abuzimit kishte lënë tek ai ndër vite, duke theksuar se përvoja të tilla mund të ndikojnë rëndë te një person.

“Abuzimi lë shenja në organizëm, të heq edhe dëshirën për të shkuar në tualet”, u shpreh ai gjatë rrëfimit.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.