Ylli i njohur në “Youtube” dhe “Instagram”, Catherine Paiz është fejuar. Ajo e njoftoi fejesën e saj me artistin e tatuazheve, Igor Ten, më pak se dy vjet pas ndarjes nga ish-bashkëshorti, Austin McBroom.

35-vjeçarja e ndau lajmin së bashku me një seri fotosh të fejesës në një postim në “Instagram” të hënën, më 1 shtator. Ish-blogerja e “ACE Family” në “YouTube” jo vetëm që ndau një pamje të parë të unazës së saj të fejesës me diamant, por zbuloi gjithashtu se planifikon të martohet shumë shpejt.“Shumë e lumtur… Shtatori është muaji kur eci drejt altarit për të kaluar përgjithmonë me ty❤️⛪️,” shkroi Paiz në mbishkrimin e saj. Ajo gjithashtu ndau një fotografi në “Instastory” të asaj që dukej të ishte një pamje nga afër e një faqeje libri ku shkruante “Shtator”.

“Të dua që nga momenti i parë ❤️???????? ♾️”, komentoi Igor përpara se ta rishpërndante postimin në “Instastory” me melodinë e këngës “Turning Page” të Sleeping At Last.

Paiz e debutoi romancën e saj me Ten në nëntor të vitit 2024, kur postoi në “Instagram” një foto pranë pishinës, ku ata ishin të përqafuar. Në atë kohë, ajo nuk e etiketoi të dashurin e saj të ri dhe as nuk e tregoi emrin e tij. Mbishkrimi i saj shkruante thjesht, “Dashuria ime… ????”.