Pas ndarjes së bujshme nga reperi Mozzik, Loredana Zefi ka folur për herë të parë në detaje për marrëdhënien e tyre dhe rolin e vajzës së tyre, Hanës, në jetën e saj. Ajo tregon se njohja e tyre filloi përmes rrjeteve sociale dhe se, edhe pse disa gjëra do t’i kishte bërë ndryshe, asgjë nuk do ta ndryshonte për shkak të vajzës.

“Janë ndjenja të përziera. Shumica do të thonë që gjithçka do ta bënin njësoj, por unë do të kisha ndryshuar disa gjëra për të shmangur problemet që kemi sot. Por për vajzën, do të bëja gjithçka njësoj,” tha Loredana.

Shtatzëninë dhe lindjen e Hanës, reperja e përshkruan si periudhën më të bukur të jetës së saj. Ajo shprehet se shtatzënia ishte e planifikuar dhe shumë e lumtur për lajmin e mirë, ndërsa marrëdhënia me Mozzik u kris pas lindjes.

“Lindja ishte e planifikuar dhe e dëshiruar. Nuk ishim të martuar, por u martuam më vonë pasi mësova që isha shtatzënë. Kam qenë në Dusseldorf duke punuar në studio. Testi doli pozitiv dhe isha shumë e lumtur. Pas lindjes së Hanës, u ndamë kur ajo ishte 4-5 muaj,” tregoi ajo.

Pas ndarjes, Loredana përshkruan periudhën si shumë sfiduese, duke theksuar rëndësinë e mbështetjes së familjes dhe veçanërisht të motrës së saj në rritjen e vajzës.

“Ka qenë e vështirë sepse ndihesha e vetme. Por familja ime ishte gjithmonë aty për mua dhe më suportoi maksimalisht. Më shumë e ka rritur ajo, sesa unë,” tha Loredana.

Në lidhje me takimet e Mozzik me Hanën, reperja sqaron se ai nuk ka ndaluar kurrë, por nuk e ka marrë si obligim. “Ai mund të vijë kur të dojë dhe dera është e hapur. Nuk e kam penguar kurrë, por nuk mund ta detyroj,” shpjegon ajo.

Loredana u shpreh gjithashtu e lënduar nga kënga e fundit e Mozzik, duke kërkuar që ai të kërkojë falje dhe të heqë këngën. “Ndjeva shumë keq, por për shkak të vajzës nuk reagova. Tani është tepër dhe nuk e lejoj më. Duhet të ulet përballë me mua, të kërkojë falje dhe të heqë këngën,” përfundoi ajo.