Mbi rrënojat e pallateve turke në qendrën historike të Mangalemit shtrihet Hotel Mangalemi, në qytetin shqiptar të Beratit. Hotel Mangalemi është hoteli i parë që u hap ne Berat pas ndryshimit të sistemit në Shqipëri, në vitin 1991 . Hoteli është i vendosur në pjesën fundore të lagjes karakteristike të quajtur Mangalem dhe në fillim të rrugës së vjetër të kalasë. Ngrihet mbi rrënojat e kompleksit të shtëpive të Pashait të famshëm të Beratit ( Ahmet Kurt Pasha ). Gjendet vetëm 300 m nga qendra e qytetit dhe shumë afër qendrave historike. Me ndryshimin e sistemit në vitin 1991, ideja e familjes Mio për një biznes privat ishte e qartë. Kështu duke restauruar shtëpinë e vjetër lindi Hotel Mangalemi, një investim modest në atë kohë, por i bërë me shumë dashuri dhe përkushtim. Fillimisht funksionoi si restorant ,ku që atëherë spikati kuzhina tradicionale.

Kombinimi me finesë i drurit dhe I gurit dhe dedikimi në çdo detaj pasqyrojnë qartë arkitekturën tradicionale. Që në fillimet e punës dhe në vazhdimësi , stafi I hotelit është udhëhequr nga dëshirat dhe kërkesat e klientëve, si një filozofi për të ofruar gjithmonë një shërbim cilësor dhe eksperiencë me vlerë.
Hotel Mangalemi është vendi ideal nga ku mund të filloni të zbuloni qytetin e rrallë të Beratit.
Përveç arkitekturës fantastike tradicionale beratase, restoranti ofron gatime tradicionale në të cilat protagonist janë lëndët e para.

Hotel Mangalemi ka një restorant që shërben darkë i cili nuk është i hapur për publikun, por vetëm për mysafirët që qëndrojnë në hotel. Restoranti ruan traditën shqiptare dhe është mjaft krenar për këtë. Për përgatitjen e gatimeve përzgjidhen çdo ditë produkte të freskëta në tregun vendas. Ju mund te shijoni specialitetet tradicionale të përgatitura me kujdes nga shefi I kuzhinës. Hotel Mangalemi ofron që çdo vizitor të shijojë më të mirat e traditës, prandaj ofron një listë të gjatë të llojeve të ndryshme të rakisë të prodhuara në mënyrë artizanale. Kur vjen fjala te vera, ejani te Hotel Mangalemi për t’u njohur me prodhimet më të mira të kantinave të qytetit të Beratit. Restoranti ofron një sallë të mbyllur dhe një tarracë me pamje nga qyteti.

Sot Hotel Mangalemi cilësohet si një toponim i qytetit të Beratit duke pasqyruar traditën në arkitekturë, kuzhinë dhe mikpritje.