Vendi ynë gjatë mesnatës është përfshirë nga moti i paqëndrueshëm, ku në
shumë zona ka pasur reshje të dendura shiu dhe dëbore duke krijuar
vështirësi në qarkullim. Mësohet se në zonën veriore ka pasur reshje dëbore
me intensitet dhe erë si në Ura e Zapodit-Shishtavec në Tamarë-Vermosh, në
Qafë Thore-Bogë, Klos, Peshkopi, Bajram Curri-Fierzë, në Tropojë. Në
mëngjes edhe në Qafë Thanë kanë filluar reshjet e dëborës me intensitet
mesatar.

“Reshje shiu me intensitet mesatar kanë përshkuar vendin duke sjellë rënie
gurësh e materialesh si në Skuraj-Burrel, të cilat janë pastruar menjëherë nga
grupet e punës duke mos lejuar të krijohet vështirësi në qarkullim. Në zonën
veriore ka pasur reshje dëbore me intensitet dhe erë si në Ura e Zapodit-
Shishtavec në Tamarë-Vermosh, në Qafë Thore-Bogë, Klos, Peshkopi,
Bajram Curri-Fierzë, në Tropojë. Në mëngjes edhe në Qafë Thanë kanë filluar
reshjet e dëborës me intensitet mesatar. Mjetet borëpastruse dhe punëtorët e
mirëmbajtjes kanë qenë në terren pa ndërprerje.

Rrugët janë të pastruara nga dëbora dhe qarkullimi vijon pa probleme.
Drejtuesit e mjeteve të pajisen me goma dimërore dhe zinxhirë kur udhëtojnë
për në segmentet me prezencë dëbore, të ulin shpejtësinë, të respektojnë
sinjalistikën dhe udhëzimet e Policisë Rrugore”, njofton ARRSH.