Kylie Jenner ka tërhequr vëmendjen e fansave kohët e fundit, për shkak të pamjes së saj. Shumë prej fansave të saj kanë vënë re ndryshimin në tiparet e fytyrës, pasi papritmas ylli 26-vjeçar filloi të dukej ndryshe.

Ekspertët shpjegojnë se mund të jenë efekte anësore të disa procedurave kozmetike. Ekspertët, duke marrë shembull rastin e Kylie Jenner, shpjegojnë se si procedurat e bukurisë mund të ndryshojnë ndjeshëm pamjen e dikujt, duke ngjallur edhe debat publik. Ndërsa diskutimet rreth pamjes së Kylie Jenner vazhdojnë, ekspertja kozmetike Molly Bailey shpjegon efektin negativ të produkteve që përdoren nga vajzat. Ajo shpjegoi se p.r.sh, tërheqje e buzës, ndikon në zonën e hundës. Molly vuri në dukje se ndërsa këto trajtime synojnë të përmirësojnë estetikën e fytyrës, ato ndonjëherë mund të çojnë në pasoja të padëshiruara nëse nuk kryhen siç duhet. Duke diskutuar për fryrjen e vërejtur në faqet e Kylie-t, Molly thotë se kur mbushësit injektohen nën sy ndonjëherë mund të pengojnë drenimin natyral të indit limfatik në zonë. Ky bllokim mund të shkaktojë fryrje, duke e bërë më të theksuar ligamentin zigomatik të lëkurës. Kjo mund t’i japë fytyrës një pamje, e cila shpesh ngatërrohet me shenja të plakjes ose përdorimit të tepruar të procedurave kozmetike.

Molly shpjegoi më tej se këto procedura kozmetike, megjithëse përgjithësisht të sigurta, kërkojnë një nivel të lartë ekspertize dhe saktësie. Çdo llogaritje e gabuar në sasinë ose vendosjen e injektuesve mund të çojë në ndryshime të dukshme dhe shpesh të padëshiruara në pamje. Ajo theksoi rëndësinë e trajtimit nga profesionistë të kualifikuar që kuptojnë kompleksitetin e anatomisë së fytyrës dhe pasojat e mundshme të secilës procedurë.

Në rastin e Kylie, shenjat e vënë re, mund të jenë për shkak të dehidrimit ose mungesës së gjumit, gjë që mund të çojë në ënjtje nën sy.