Për dekada me radhë, imazhi i femrave franceze, me elegancën e hijeshinë e tyre ka frymëzuar në mënyrë të vazhdueshme. Duke bërë jo rrallë të shtyhemi për të njohur botën e tyre.

Francezët shquhen për stilin e tyre të jetës, ku shpesh shpirtërorja triumfon mbi materialen. Francezët shijojnë lukset e vogla në përditshmëri, duke e jetuar jetën me një lloj kualiteti të lartë, shijimi dhe mospasja e komplekseve i bën ato tejet unik.

E gjithë bota i ka zili femrat franceze, për elegancën dhe dashurinë që ato kanë për veten.
Praktikimi i ritualeve të kënaqësisë për to është tërheqës, duke nisur tek një çokollatë e mirë, një parfum i ri, një fustan i bukur, apo një kapele e parezistueshme.

Mënyra sesi ato i mbajnë kapelet, stili Parizien është një atraksion i padiskutueshëm. Jam inspiruar nga ikona të kinematografisë, ikona të bukurisë që mbanin kapele elegante mbi kokë dhe gjithmonë kam besuar se një grua nuk mund të veshë një kapele që ka më shumë përsonalitet se ajo vetë, shkon në sinkron çdo herë, gratë e bukura mbajnë aksesorë te bukur dhe madhështor po aq sa ato.

Moda është një lloj komunikimi. Është një gjuhë pa fjalë, një kapelë e bukur gjithmonë flet vetë.
Një kapelë është një flamur, një mburojë dhe simbol i feminitetit. Një pjesë e magjisë është një kapelë “.

Vajzat ndonjëherë ngurrojnë, por jeta është shume e shkurtër për të mos e vendosur atë kapelen e kuqe! Jeta ndonjëherë bëhet edhe e mërzitshme, por kapelet mbeten gjithmonë gazmore.
Të vendosësh një kapele në kokë për mua është njësoj sikur të veshësh këpucët dhe të dalësh jashtë, ka qënë gjithmonë kështu.

Është diçka e brëndshme e cila nuk mund të shpjegohet, është kjo që jam unë sot, Ambra e kapeleve.
Shoh një copëz arti të reflektuar mbi çdo Fedora apo Panama.
Ka pak histori në materialin e tyre mistik, më frymëzon për një poezi, ose më zhyt në imagjinatë për të shkruar ndoshta një tjetër romancë dashurie…