Natyra është ilaçi i të gjitha kohërave. Janë elementë si ajri, uji, mali, fusha, gërxhet, humusi i
tokës, bimësia dhe gjelbërimi që të ushqejnë me pastërti shpirtin, mendjen dhe trupin. Ky oaz
dëlirësie është terapia më e mirë për të rigjallëruar veten.

Këtë formulë jete e gjeni pikërisht në mesin e bjeshkëve shqiptare, aty ku burojnë Drini dhe
Valbona, të cilët bashkohen me Komanin dhe krijojnë klimën e shëndetshme. Pikërisht në këtë
perlë natyrore që Zoti na e ka dhënë pa kursim, ngrihet Bujtina Adora, një njësi e re
akomoduese që i shtohet turizmit shqiptar.

Bujtina Adora Agrotourism quhet ndryshe si porta për në Alpet Shqiptare. E vendosur në
Dushaj të Tropojës, kjo bujtinë ofron një fundjavë të kaluar mirë mes malit dhe liqenit. Vendi i
përsosur për të gjetur paqen dhe qetësinë për veten dhe familjen tuaj.

Bujtina Adora, e harmonizuar me natyrën përbën një tjetër hapësirë tërheqëse për pushuesit
vendas dhe të huaj, duke i ftuar ata të kalojnë ditë relaksuese në veriun e Shqipërisë.
E konsideruar si një portë pritëse për turistët që lundrojnë përmes liqenit të Komanit, pikërisht
aty ku bashkohet Drini me Valbonën.

Me një strukturë tradicionale ndërtimi në gur, bujtina ofron shërbime me standarde
perëndimore, gërshetuar me kuzhinën tradicionale dhe shëtitjet në natyrë. Akomodimi ofron
një recepsion 24-orësh, shërbim në dhomë dhe këmbim valutor për mysafirët. Mundësitë e
mëngjesit në bufe ofrohen çdo mëngjes.

Mysafirët në akomodim janë në gjendje të shijojnë aktivitete në dhe rreth Ara të Lumit, si
shëtitjet.
E vendosur midis malit dhe rrjedhës së liqenit të Komanit, Bujtina Adora rrethohet nga një
panoramë natyrore qetësuese, por njëherësh kurative për këdo kërkon të largohet nga zhurma
dhe ndotja e qytetit.

Bujtina Adora, oazi i paqes në pëllëmbë të dorës.