Georgina Rodriguez tregon për tri abortet që përjetoi, para humbjes së të birit, Angel, gjatë lindjes.
  Georgina Rodrigues, 29-vjeçe, po xhiron sezonin e dytw të serialit të saj të ri në Netflix
për jetën e saj pas premierës së sezonit të parë vitin e kaluar. Georgina, një influencer 29-vjeçare, shihet duke shpërthyer në lot në një trailer të Netflix të publikuar javën e kaluar teksa rikujtoi momentin tragjik kur humbi një nga binjakët e saj gjatë lindjes.
Në episodin e parë të serialit në episodin “I Am Georgina”, sipas faqes spanjolle të lajmeve “El Espanol”, ajo do tregojë për tri abortet e saj dhe momentin tragjik kur humbi djalin gjatë lindjes. Vajza e saj me Cristiano Ronaldon, Bella Esmeralda lindi e shëndetshme në prill të vitit të kaluar në një spital në Mançester, por fatkeqësisht, vëllai i saj binjak, Angeli, vdiq.

  Georgina zbuloi në episodin e parë të serisë së dytë, premierë më 24 mars: “Sa herë që shkoja te gjinekologu gjatë natës kisha makthe sepse isha e shqetësuar se në çfarë pozicioni do të ishin, si do të ishte lindja, nëse do të ishte një prerje cezariane.
  “Kisha shumë frikë në çdo ekografi, ndihesha shumë e tensionuar sepse kisha pasur tre aborte të mëparshme dhe kthehesha në shtëpi copë-copë”.

  Çifti zbuloi në prill të vitit të kaluar që prisnin binjakë, por fatkeqësisht vetëm vajza e tyre
Bella Esmerelda mbijetoi.

Ajo gjithashtu tregon që nuk iu tha menjëherë fëmijëve të saj se djali Angel nuk mbijetoi dhe u tha atyre se do të lindte më vonë se motra e tij.
“Meqë ende kisha bark, u thashë se Angel-i donte akoma dhe pak kohe për të lindur”, tregon ajo. 

“Derisa Cristiano u tha atyre se Angeli ishte në parajsë. Kjo ishte një dozë realiteti”, thuhet se ka treguar Georgina.

  Ajo ka vajzën Alana, tre vjeçe, me Ronaldon, ndërsa ylli i Manchester United ka edhe djalin Cristiano Jr, 11 vjeç dhe binjakët Eva dhe Mateo, katër vjeç secili.
Bukuroshja me origjinë argjentinase citoi se: “Jeta është e vështirë, jeta vazhdon. Unë kam arsye për të ecur përpara dhe për të qenë e fortë”.