Gjatë fundjavës së kaluar familjarët e personazhit më të njohur të shtëpisë më të
famshme në vend, Luiz Ejllit, hapën një llogari në GoFundMe, në mënyrë që të gjithë
ndjekësit dhe adhuruesit e tij të kenë mundësinë të kontribuojnë në formë monetare për banorin e tyre të preferuar brenda shtëpisë së Big Brother VIP Albania 2.
  

   Kjo llogari u mbështet dhe nga llogaria personale e Luizit në Instagram pasi e konfirmoi
dhe vetë Sokoli, kunati i tij që i bëri një surprizë të shtunën dhe menaxhohet nga e ëma,
Angjelina dhe e motra, Ina.
Kjo llogari vjen si pasojë e kërkesave të vetë fansave të flaktë të këngëtarit me synimin
për ta mbështetur në mënyrë transparente.

   Nuk kishte si të ndodhte ndryshe dhe në vetëm pesë ditë janë mbledhur 13 mijë dollar për
këngëtarin e njohur dhe deri më tani numërohen plot 146 donacione, çka është e pritshme nga tifozeria që banori ka jashtë mureve të shtëpisë më të famshme në vend.