Dy vëllezër shqiptarë, Artan dhe Arnold Balla që kanë pasion akrobacinë kanë shënuar histori duke vendosur një rekord botëror. Pas pjesëmarrjes në një talent show, America’s Got Talent, dy vëllezërit nuk kanë ndaluar me sukseset. Ata janë certifikuar nga Guinness World Record për kohën më të gjatë të qëndrimit në ekuilibër me sy të mbyllur, në një cilindër. Arnold dhe Artan Balla regjistruar rekordin 61,95 sekonda.

Rekordi u vendos në Times Square në New York, ku morën vëmendjen e të gjithëve.

“Sfidë e vështirë, por të vendosur për ta përballuar! Jemi shumë të lumtur për të njoftuar se kemi vendosur Rekordin Botëror Guinness për kohën më të gjatë të qëndrimit në ekuilibër me sy të mbyllur në një cilindër”, shkruajnë vëllezërit në rrejte sociale.