Sipas raportimeve të huaja, Jennifer Lopez dhe Ben Affleck po bëjnë psikoterapi për çiftet për të shpëtuar martesën e tyre. Çifti duket se po shkon në një drejtim që mund të përfundojë në divorc. Që kur u ribashkuan pas gati dy dekadash ndarje, ata vendosën të lidheshin shpejt, por problemet e tyre ishin evidente vetëm duke parë fytyrën e Ben Affleck-ut në fotot që qarkullonin çdo ditë.In Touch Weekly pretendon se ka folur me një të brendshëm të çiftit i cili zbulon se të dy po përpiqen t’i rregullojnë gjërat duke bërë terapi për çifte. Sipas të njëjtave informacione, çifti zihet për gjënë më të vogël. Sipas burimit, Affleck është ai që po përpiqet ta bëjë të funksionojë martesën sepse nuk dëshiron që një martesë e dytë të dështojë dhe thekson se nëse gjërat vazhdojnë si tani, ka shumë mundësi që divorci të shpallet së shpejti. In Touch raporton gjithashtu se aktori tashmë është larguar nga shtëpia që blenë së bashku vitin e kaluar.