Një sulm ajror nga Izraeli shkaktoi një zjarr masiv në Rafah duke vrarë 45 njerëz. Imazhet e fëmijëve të djegur shkaktuan një zemërim global. Udhëheqësit globalë po vënë në rrezik bisedimet për armëpushimin. Forcat e Mbrojtjes të Izraelit (IDF) thanë se shënjestruan militantë të lartë të Hamasit por bombardimet prekën tendat ku ishin vendosur njerëzit për t’i shpëtuar luftës dhe spitalin fushor aty pranë.

Ministria e shëndetësisë në zonën e kontrolluar nga Hamasi tha se rreth gjysma e të vdekurve ishin gra, fëmijë dhe të moshuar. Fëmijët zbathur enden rreth rrënojave, ndërsa kërkimet për të vdekurit vazhdojnë.

Kryeministri izraelit, Benjamin Netanyahu, tha se: “Ne jemi duke e hetuar incidentin dhe do të arrijmë në përfundime, sepse kjo është politika jonë”, tha ai.

SHBA, aleati më i vendosur i Izraelit dhe furnizuesi i armëve, i përshkroi imazhet e këtij sulmi, shkatërruese. Sulmi, një nga incidentet më vdekjeprurëse në luftën tetë-mujore deri më sot, erdhi dy ditë pasi gjykata ndërkombëtare e drejtësisë në Hagë, e cila arbitron ndërmjet shteteve, urdhëroi Izraelin të ndalojë menjëherë operacionin e tij në Rafah.