Nxënësit që sulmojnë mësuesit në Itali rrezikojnë gjoba që variojnë nga 500 deri në 10.000 euro sipas një amendamenti qeveritar të miratuar nga komiteti i kulturës i Senatit të enjten, sipas mediave italiane. Sulmet ndaj mësuesve janë bërë kryefjalë së fundmi pasi një mësuese mbeti i plagosur lehtë pasi u godit me thikë në shpinë nga një nxënës. Gjobat do të vendosen ndaj kujtdo që sulmon anëtarët e stafit, drejtuesit apo personelin administrativ në shkollat italiane, thuhet në ndryshimin e projektligjit për vlerësimin e sjelljes së nxënësve.

Qeveria e Giorgia Melonit po e rikthen këtë politikë të kohës së Benito Mussolinit për të rikthyer respektin në klasë dhe shkollat e vendit. Ministri e prezantoi ligjin si një hap themelor për ndërtimin e një sistemi shkollor që rikthen autoritetin te mësuesit.

“Me këtë reformë, sjellja e nxënësve do të rëndojë në vlerësimin e përgjithshëm të karrierës shkollore dhe pranimit në provimet shtetërore. Ndryshon institucioni i pezullimit. Për nxënësin që shkel rregullat e bashkëjetesës civile; për rastet më të rënda do të ketë punësim në veprimtari solidariteti qytetar. Objektivi është të mbështesim punën e përditshme të mësuesve dhe të gjithë stafit të shkollës, në mënyrë që të rinjtë të kenë të qartë jo vetëm të drejtat, por edhe detyrat që rrjedhin nga përkatësia në një komunitet, duke filluar nga detyra e respektit ndaj tjetrit”.

Gjobat do t’i paguhen shkollës së përfshirë në rast.