Demokrati Tim Walz dhe republikani JD Vance, me pikëpamje thellësisht të kundërta për çështjet që e shqetësojnë Amerikën, shtrënguan duart mbrëmjen e së martës në debatin e vetëm të kandidatëve për postin e nënpresidentit ndërsa afrojnë zgjedhjet e 5 nëntorit. Një debat civil, e kanë cilësuar ekspertët.

Debati midis republikanit JD Vance dhe demokratit Tim Walz u ndje si një bisedë civile dhe relativisht e përmbajtur rreth çështjeve kyçe. Të dy shpenzuan shumë më tepër kohë duke sulmuar Tump dhe Kamala Harris, sesa njëri-tjetrin gjatë 90 minutave debat në Nju Jork.

Debati ishte i qetë, i përqendruar te politika, dhe kjo ndoshta i shërbeu Vance-it.

“Ende debatohet nëse Trump do të bëhet president. Por në realitet ai ka qenë dikur president. Inflacioni ishte i ulët dhe pagesat që merrnin qytetarët ishin të larta”, tha Vance.

Kishte momente kur kandidati republikan u përplas me atë që mendonte se ishte verifikim i padrejtë i fakteve nga dy moderatorët e CBS dhe në një moment mikrofonat e të dy kandidatëve u fikën.

Por në pjesën më të madhe, debatet ishin të qetë.

Mosmarrëveshjet më të forta erdhën në fund të debatit, mbi pretendimet e përsëritura të Trump se zgjedhjet e 2020-ës iu vodhën.