Çmimi Nobel në letërsi i është dhënë 53-vjeçares nga Koreja e Jugut, Han Kang për prozën e saj që ekspozon brishtësinë e jetës njerëzore. Veprat e saj përfshijnë Vegjetarianin, Librin e Bardhë, Veprat Njerëzore dhe Mësimet Greke.

“Kam biseduar me Han Kang në telefon. Ajo nuk ishte vërtet e përgatitur për këtë por ne kemi filluar të diskutojmë përgatitjet për dhjetorin”, sekretari i përhershëm i Akademisë Suedeze Mats Malm pas shpalljes së fituesit.

Han Kang: “Të shkruash për një masakër ishte një luftë. Unë jam një person që e ndjej shumë dhimbjen”.

Romanet, novelat, esetë dhe koleksionet e tregimeve të Kang kanë eksploruar në mënyra të ndryshme tema të patriarkatit, dhunës, pikëllimit dhe njerëzimit. Romani i saj i vitit 2007 The Vegjetarian, i cili u përkthye në anglisht në 2015 fitoi çmimin Ndërkombëtar Booker në 2016.

“Ndjeshmëria e Kang-ut për jetët e pambrojtura, shpesh femra, është e dukshme nga proza ​​e saj”, tha Anders Olsson, kryetar i komitetit të Nobelit.

Ajo ka një vetëdije unike për lidhjet midis trupit dhe shpirtit, të gjallëve dhe të vdekurve, dhe në një stil poetik dhe eksperimental është bërë një novatore në prozën bashkëkohore”, shtoi ai. Kang ka lindur në Gëangju, qytet në jug-perëndim të Koresë së Jugut, në vitin 1970. Kur ajo ishte 10 vjeç, familja e saj u transferua në lagjen Suyu-dong të Seulit.

Ajo studioi letërsi koreane në Universitetin Yonsei në kryeqytet.