Liam Payne dyshohet se ka qenë nën efektin e alkolit dhe drogës kur u rrëzua nga ballkoni i katit të tretë të një hoteli në Buenos Aires, Argjentinë.

Mediat argjentinase raportuan se Payne ishte në Buenos Aires për të ndjekur koncertin e shokut të ish-grupit One Direction, Niall Horan.

Ylli i One Direction humbi jetën pasi ra nga ballkoni i hotelit Casa Sur, ku ishte akomoduar prej disa ditësh.
Policia shkoi në hotel pas një telefonate urgjente nga recepsionisti i hotelit, i cili raportoi se këngëtari po shkatërronte sendet e dhomës dhe se ishte nën efektin e drogës dhe alkolit.

“Ai është në një dhomë me ballkon dhe kemi pak frikë se ai…”, thuhet në telefonatën e zbardhur.