Një pikturë e një roboti me inteligjencë artificiale e kodthyesit të shquar të Luftës së Dytë Botërore, Alan Turing është shitur për 1,084,800 dollarë (836,667 £). Sotheby’s tha se kishte 27 oferta për shitjen e artit dixhital të AI God, i cili fillimisht ishte vlerësuar të shitej midis 120,000 dollarë (9,252 £) dhe 180,000 dollarë (139,000 £).

Matematikani Turing ishte një pionier i shkencës kompjuterike dhe i njohur si babai i inteligjencës artificiale (AI). Shtëpia e ankandeve tha se shitja historike lançon një kufi të ri në tregun global të artit. Ai shtoi se Ai-Da Robot është artisti i parë robot që ka një vepër arti të shitur në ankand. Në total Ai-Da Robot bëri 15 piktura të Alan Turing, të cilave iu deshën deri në tetë orë për t’i përfunduar. Vepra është një portret origjinal i Turing, i cili studioi në King’s College, Kembrixh. Shkencëtari luajti një rol vendimtar në fitoren e aleatëve ndaj Gjermanisë naziste në Luftën e Dytë Botërore, duke ndihmuar në thyerjen e kodeve dhe deshifrimin e makinës famëkeqe Enigma në Bletchley Park.

Alan Turing njihet si babai i informatikës moderne.