Në 1-vjetorin e lindjes së djalit të saj Amen, këngëtarja Xhensila Myrtezaj i ka dedikuar një këngë të birit, ku i shpreh gjithë dashurinë. Xhensila i shpreh të birit sesa shumë e do, ndërsa i thotë se deri sa ai të rritet e të mësojë të vërtetën, ajo do të hesht.

“Të solli Zoti ty për mua, zemrës time të vetmuar i dhe forcë të mbijetojë. Më shumë se veten time ty të dua, kapiteni ti më mua. Ti je gjthë bota që kam ëndërruar, biri im sa shumë të dua. Me shumë trazira të solli furtuna e nëntorit, ti i bëre lulet që të çelin për mua në vjeshtë. Gjersa të rritesh bir e të mësosh të vërtetën, unë do të bëj sikur nuk di dhe vetëm do të hesht”, ishte një fragment i projektit të saj muzikor.

Duket se rreshtat në këngët e saj, janë të vetmet reagime që Xhensila ka bërë për ndarjen e bujshme nga Bes Kallaku, me të cilin ka dy fëmijë. Besi publikoi pak muaj më parë një baladë me tekstin e shkruar prej tij, një tekst që menjëherë nga publiku u interpretuar si mesazh për Xhensilën. Këngëtarja ka publikuar një baladë të re, tekstin e së cilës e ka shkruar edhe ajo vetë, e mes të tjerash shprehet: Thuju, sa herë vetëm netët i kaloja, sa herë sytë nga Zoti e të kërkoja. Të vërtetën pse e fsheh? Hajde thuju. Mëkatar i fshehtë ti je.
Ndarja e Xhensila Myrtezajt dhe Bes Kallakut ishte një nga divorcet më të përfolura në mediat rozë. Çifti kishin shumë vite së bashku, pas disa vitesh të lidhur u martuan në një ceremoni përrallore mes shumë të ftuarish.