Këngëtarja e njohur, Adele i ka dhënë lamtumirën fansave të saj, në koncertin e fundit në Las Vegas. Kjo pasi ylli i Someone Like You pranoi se nuk e di se kur do të performojë përsëri. Në korrik, Adele tha se do të bënte një pauzë në karrierën e saj si këngëtare, duke mos zbuluar arsyet. Videot e postuara në internet nga koncerti i saj të shtunën tregojnë se këngëtarja përlotet teksa i thotë lamtumirë fansave.

“Ka qenë e mrekullueshme dhe do të më mungoni tmerrësisht shumë. Nuk e di se kur mund të performoj sërish”.

Adele ka performuar çdo të premte dhe të shtunë në të gjithë rezidencën, me shumë momente të paharrueshme. Njëra përfshi kur ajo shpërtheu në lot pasi pa Celine Dion teksa këndonte. Adele njihet si idhull i këngëtares kanadeze.

“Unë kam nevojë vërtet për pushim dhe kam kaluar shtatë vitet e fundit duke ndërtuar një jetë të re, për veten time dhe dua ta jetoj atë tani”, tha ndër të tjera Adela.