Shqipëria është përfshirë nga moti i paqëndrueshëm, ku në disa zona ka pasur edhe problematika si pasojë e reshjeve të dendura të shiut.

“Reshje shiu me intensitet mesatar kanë përshkuar vendin duke sjellë rënie gurësh e inertesh të cilat janë pastruar menjëherë pa sjellë probleme në qarkullimin e mjeteve. Në Ura e Zapodit-Shishtavec, në Bogë-Theth dhe në Tamarë-Vermosh ka pasur reshje dëbore. Grupet e punës me mjetet borëpastruese janë në terren dhe kanë bërë pastrimin e rrugës.

Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë”, njofton ARRSH.