Lily Collins apo si shumica e njohin “Emily in Paris” është zyrtarisht një nënë e re. Ajo ka mirëpritur fëmijën e saj të parë përmes një nëne surrogate në fillim të kësaj jave.

Lajmin e ëmbël e bëri të ditur vetë aktorja, e cila postoi në “Instagram” foshnjën e saj të mbështjellë me një batanije ku shkruhej emri i së voglës, Tove.

Përmes postimit, Collins shpreh të gjithë mirënjohjen për nënën surrogate të vajzës së saj e po ashtu për të gjithë njerëzit që e kanë ndihmuar përgjatë kësaj periudhe.

“Mirë se erdhe në qendër të botës tonë Tove Jane McDowell. Fjalët nuk do arrijnë asnjëherë që ta shprehin mirënjohjen tonë të pakufishme për surrogaten tonë dhe çdonjerin që na ndihmoi përgjatë gjithë rrugës”, ka shkruar Collins në “Instagram”.