Një lëvizje e heshtur, por me jehonë të fortë, ka tronditur një nga emrat më të mëdhenj të modës botërore. Stefano Gabbana, bashkëthemeluesi i Dolce & Gabbana, është tërhequr nga posti i kryetarit, në një moment kur kompania përballet me sfida të ndjeshme financiare dhe vendime kyçe për të ardhmen. Marka lukzose e modës e krijuar në 1985 nga Steffano së bashku me ish-partnerin e krijimtarisë dhe jetës, Domenico Dolce. U raportua mbrëmjen e së enjtes nga Bloomberg, por në fakt dorëheqja e Gabbanas daton që nga dhjetori i vitit 2025. t

Dorëheqja, e njoftuar në fund të vitit të kaluar dhe e bërë efektive në janar, nuk erdhi me bujë publike, por sinjalet që jep janë të forta. Në krye të bordit tashmë qëndron Alfonso Dolce, një figurë e brendshme e familjes tashmë CEO i markës dhe vëllai i Domenicos., çka sugjeron një përpjekje për të mbajtur kontrollin në një periudhë të turbullt.

Pas perdeve, situata duket edhe më e tensionuar. Kompania raportohet se është në mes të një procesi të ndërlikuar rifinancimi, me borxhe që arrijnë në qindra miliona euro dhe me kërkesa të qarta nga huadhënësit për injeksion të menjëhershëm kapitali. Në këtë klimë presioni, po shqyrtohen opsione të forta: shitje asetesh, marrëveshje të reja licencimi, madje edhe hyrja e investitorëve të rinj.

Në qendër të kësaj stuhie qëndron edhe vetë Gabbana. Ai besohet se po vlerëson mundësinë e shitjes së aksioneve të tij, një hap që mund të ndryshojë rrënjësisht balancat e pushtetit brenda markës që ai vetë ndihmoi të ndërtohej nga zero.

Ironikisht, në skenën publike gjithçka duket e pandryshuar. Gabbana vazhdon të shfaqet në pasarela dhe të udhëheqë kreativisht, duke ruajtur imazhin e qëndrueshmërisë. Por prapa kësaj fasade glamour, po zhvillohet një betejë për mbijetesë dhe transformim.

Nga një simbol i luksit italian dhe jetës “la dolce vita”, kompania tani përballet me një realitet të ri, ku tradita përplaset me presionet e tregut modern.

Duket se një nga perandoritë më të njohura të modës po hyn në një kapitull të pasigurt.