Kanë kaluar nëntë muaj nga ndarja nga jeta e Shpat Kasapit, por dhimbja dhe mungesa vazhdojnë të jenë të pranishme për Selvijen.

Në këtë përvjetor të trishtë, ajo ka ndarë në Instagram një fragment të autores Mae Setrova, fjalët e së cilës duket se përshkruajnë atë që po përjeton pas humbjes së Shpatit.

“Ti vdiqe dhe unë kam dëshpërimisht nevojë të të tregoj se si ndihem. Kam nevojë të më mbash në këmbë ndërsa të tregoj për këtë boshllëk që tani ekziston në zemrën time dhe për zbrazëtinë që më përpin shpirtin. Kam nevojë të më mbash ndërsa qaj për ty dhe i bërtas Zotit duke kërkuar një përgjigje që tashmë e kam, por që refuzoj ta pranoj si arsye.

Ti ke vdekur dhe je i vetmi që mund të më ndihmosh ta kaloj këtë”, thuhet në fragmentin e shpërndarë prej saj.

Selvija nuk ka shtuar shumë fjalë të tjera. Mbi postimin ka shkruar vetëm: “9 muaj pa ty”, duke përmbledhur kështu mallin dhe dhimbjen që vazhdon edhe muaj pas humbjes së tij.