Uji Lajthiza buron nga mali i Roshit në Lajthizë të Pukës, i cili ndodhet në një zonë të rrethuar tërësisht me male ku lartësia e tyre arrin 1600m mbi nivelin e detit. I filtruar në mënyrë natyrale nga shkëmbinjtë magmatikë.

Ky ujë dallohet prej ujrave të tjera për shkak të cilësisë së veçantë dhe vlerave speciale që gëzon në të vërtetë struktura e ujit “Lajthiza”.

Kompania Lajthiza® Invest sh.a e themeluar në vitin 1999, ka investuar pa ndërprerje në një zonë të thellë malore në Veri-Lindje të Shqipërisë, në fshatin Lajthizë, Pukë, Bashkia Fushë-Arrëz me fabrikën e saj të prodhimit dhe ambalazhimit të ujit natyral.

Fabrika e ujit natyral Lajthiza® është ndërtuar në lartësinë 1200m mbi nivelin e detit, ndërsa burimi rrjedh nga një masiv malor 1600m mbi nivelin e detit, me një strukturë shkëmbore magmatike të bazuar në silicë dhe argjend. Kjo është arsyeja pse uji i “Lajthizës” ka një shije shumë të veçantë dhe është ujë i lehtë dhe i tretshëm. Me përqindjen e lartë të bikarbonatit HCO3, i cili neutralizon të gjitha llojet e acideve, çdo person mund të pijë një sasi të pakufizuar të këtij uji në ditë.

Burimi ynë Natyror i Ujit klasifikohet si Ujë – i pasur dhe i balancuar me minerale dhe me cilësi të veçanta për shëndetin,  duke u konsideruar si “Uji Premium”.