Këngëtarja e njohur Elsa Lila është surprizuar mbrëmjen e djeshme nga vajza e saj Evita, në Ferma VIP. Duke luajtur një pjesë muzikore, Elsa ka shijuar tingujt, ndërsa e përlotur dhe me mall ka takuar edhe vajzën, e cila i erdhi nga Roma.

“Akoma më e gjatë je bërë? Zemra ime, të dua”, tha Elsa.

Këngëtarja, para se të takonte vajzën, ka folur edhe pak për misionin që ajo ka në fermë, si një e infiltruar kundër fermerëve.

“Unë nganjëherë jam më shumë e përfshirë apo ndonjë herë dukem më shumë lojtare se e infiltruar. Nëse nuk do sillesha kështu, do kuptohesha me kohë. Unë i dua të gjithë dhe një pjesë të tyre i kam miq, por nga urdhrat e Agait më duhet të bëj gjëra të tmerrshme. Më duhet të fus thumba, të mos punoj, t’i përçaj, tu fsheh gjërat etj. Aktrimi im si shumë e fyer, kam qenë e detyruar për të mos më zbuluar. Nuk jam aktore për Oscar, por më shumë se kaq. Po mundohem të jap më të mirën”, tha Elsa.