Ylli i skenës, Sopranoja Ermonela Jaho shkëlqeu në mbrëmjen gala që u mbajt për nder të Sir Antonio Pappano, në Shtëpinë e Operës Mbretërore në Angli. Mes spektatorëve që duartrokitën performancën e Ermonelës dhe kolegëve të saj Vasko Vassilev, Insung Sim dhe tenori Freddie De Tommaso, ishte edhe Mbreti Charles lll. Artistët u informuan se Mbreti ishte në audiencë 20 minuta para se të dilnin në skenë.
Në skenë u vu Uvertura e Martesës së Figaros të Mozartit, interpretuar nga Orkestra e Shtëpisë së Operës Mbretërore dhe një interpretim i ‘Qui pose il fiasco’ të Verdit nga Vasko Vassilev, Ermonela Jaho, Insung Sim dhe tenori Freddie De Tommaso.

“Një natë shumë e veçantë në Royal Opera House, për të treguar respektin tim së bashku me kolegët e mi dhe madhështinë e tij Mbretin Charles, për maestron tonë të dashur Toni Papanno. Të gjithë e ndjejnë, kur janë të dashur. Ishte një kënaqësi e vërtetë që takova Mbretin Charles në galanë e djeshme. Ai është një mbështetës i madh i artit dhe gjithmonë kënaqësi për të biseduar me të.”, shkruan sopranoja në Facebook, ndërsa poston një video të çastit kur mbreti ngjitet në skenë dhe duartroket bashkë me spektatorët performancën fantastike.