Sot më 10 tetor është Dita Botërore e Shëndetit Mendor. Kjo ditë që prej vitit 1992 ka në fokus ndërgjegjësimin, sensibilizimin, sjelljen në nivel global, si edhe sigurimin e një komuniteti i cili kupton, pranon, por edhe luan rol aktiv në krijimin e një shoqërie që gëzon shëndet mendor. Sëmundjet mendore janë kushte serioze që mund të ndikojnë në mënyrën se si mendoni, gjendjen tuaj të humorit dhe sjelljen tuaj. Ato mund të jenë të rastësishme ose të qëndrueshme. Ato mund të ndikojnë në aftësinë tuaj për t’u lidhur me të tjerët dhe për të funksionuar çdo ditë.

Problemet e shëndetit mendor janë të zakonshme, por edhe trajtimet e tyre janë të disponueshme.

Terapitë dhe ndërhyrjet psikoterapeutike mundësojnë një reduktim të ndjeshëm të simptomave të pranishme dhe mundësojnë një pjesë të madhe të njerëzve t’i kthehen funksionimit normal të përditshëm.

Shëndeti mendor është i rëndësishëm sepse ju ndihmon:

· Të përballeni më lehtë me streset e jetës

· Të jeni fizikisht të shëndetshëm

· Të krijoni marrëdhënie të shëndetshme

· Të jepni një kontribut të rëndësishëm për komunitetin ku jetoni

· Të punoni në mënyrë produktive

· Të shfrytëzoni plotësisht potencialin tuaj

· Shëndeti juaj mendor është gjithashtu i rëndësishëm sepse mund të ndikojë në shëndetin tuaj fizik. Për shembull, çrregullimet mendore mund të rrisin rrezikun e problemeve të shëndetit fizik, si goditja në tru, diabeti dhe sëmundjet e zemrës.

Problemet e shëndetit mendor kanë shenja paralajmëruese, të tilla si:

· Ndryshime në zakonet e të ngrënit ose të gjumit

· Izolimi nga njerëzit dhe aktivitetet që ju pëlqenin më parë

· Zvogëlimi ose mungesa e energjisë në jetë

· Ndjenjë zbrazëtie ose sikur asgjë nuk ka rëndësi

· Dhimbje dhe shqetësime të pashpjegueshme

· Ndjenjë pafuqie ose humbje të shpresës

· Pirja e duhanit ose përdorimi i drogës/ilaçeve më shumë se zakonisht

· Ndjenjë e pazakontë konfuzioni, harrese, zemërimi, shqetësimi, dëshpërimi ose frike

· Ndryshime serioze të humorit që shkaktojnë probleme në marrëdhëniet tuaja

· Mendime dhe kujtime që nuk mund t’i largosh nga koka

· Dëgjimi i zërave ose besimi në gjëra që nuk janë të vërteta

· Mendimi për të lënduar veten ose të tjerët

· Pamundësia për të kryer detyrat/nevojat e përditshme si për shembull kujdesi për fëmijët tuaj ose të shkuarit në punë ose shkollë.

Nëse mendoni se mund të keni problem me shëndetin mendor, kërkoni ndihmë. Terapia me anë të bisedës dhe/ose ilaçe mund të trajtojë çrregullimet mendore.