Papa Françesku po merr trajtim spitalor. Sipas njoftimit zyrtar Papa u shtrua në Poliklinikën Agostino Gemelli për disa analiza të nevojshme. Gjithashtu Papa po merr trajtim për bronkitin akut.

Bergoglio, i cili në dhjetor mbushi 88 vjeç, prej rreth dhjetë ditësh nuk është mirë sa i takon gjendjes shëndetësore. Ai duket i lodhur, ka pak zë dhe fytyra i është fryrë si dikush që i nënshtrohet terapisë kortizonike për të marrë frymë më mirë.
Për herë të fundit Papa ishte shtruar në spital në qershor të vitit 2023, ku kreu një operacion në zorrë.