Ina Pojani është tashmë një personazh i njohur në Shqipëri për pasionin e saj për pastiçerinë, por edhe si e vogla e motrave Pojani. Ina e ka mbajtur gjithmonë të fshehtë jetën e saj private edhe më shumë nga sa e kishim menduar.
Ina ka kurorëzuar dashurinë me partnerin e saj dhe kanë zhvilluar një dasmë shumë të fshehtë dhe private. Duket se dasma ka disa ditë që ka ndodhur dhe jo vetëm që askush nuk ka publikuar asgjë, por as nuk qarkulloi një lajm i tillë se Ina do të martohej.
Së fundmi burime për “Albanian Post” kanë publikuar një video nga dasma e saj, ku shihet Ina me fustanin e nusërisë duke kërcyer me gjithë të ftuarit dhe Aurela Gace, e ftuar si këngëtare përmend emrin e Inës dhe të bashkëshortit të saj, Xhuljo.