Një bisedë e zakonshme mes djemve në shtëpinë e “Big Brother VIP” ka zbuluar një simpati të veçantë të Rogertit për moderatoren e njohur, Argjira Spanca.

Gjatë një diskutimi me banorin tjetër, Rogerti e ka pyetur nëse e njihte Argjirën dhe më pas ka shprehur hapur vlerësimin e tij të lartë për të. “Ajo më pëlqen shumë,” – është shprehur ai fillimisht.

Kur Shënderiti e pohoi duke thënë se “e mirë është”, Rogerti ka këmbëngulur duke listuar cilësitë që vlerëson tek ajo:

“Jo më pëlqen kështu… E urtë, e mirë, e saktë”. Ai nuk është ndalur me kaq, duke shtuar se Argjira ka personalitet: “Po po, ka karakter, ka qëndrim”.

Kjo deklaratë nuk ka kaluar pa u vënë re nga vetë moderatorja. Argjira Spanca e ka shpërndarë videon e momentit në llogarinë e saj në Instagram, duke e shoqëruar me një reagim plot humor dhe vlerësim.

“Dika me fol gjera te mira Rogerti ”, – ka shkruar ajo, duke lënë të kuptohet se i ka ardhur mirë për fjalët e thëna.