Ditëlindja e 34-t e Sara Hoxha është shoqëruar me një atmosferë të veçantë në rrjetet sociale, ku ajo ka ndarë me ndjekësit disa momente nga shtëpia e saj, e mbushur me buqeta të mëdha lulesh shumëngjyrëshe.

Në një InstaStory të publikuar prej saj, ambienti i brendshëm i banesës shihej i mbushur plot me lule të vendosura pranë televizorit, duke krijuar një ambient mjaft tërheqëse dhe festive. Me një dozë humori, ajo ka komentuar situatën e të nxehtit të ditës duke shkruar: “Si t’i mbijetosh 40 gradëve? Po jua tregoj unë…”, duke lënë të kuptohet se ka zgjedhur të qëndrojë në shtëpi mes surprizave të shumta.

Sipas burime nga Prive by Liberta Spahiu, buqetat e shumta të luleve dyshohet se janë një dhuratë nga partneri i saj, Erik Fullani. Kjo ka shtuar edhe më shumë vëmendjen e publikut, duke u interpretuar si një shenjë e qartë afeksioni mes çiftit.

Këto zhvillime vijnë në një moment kur në media është përfolur për një periudhë tensioni mes tyre, e cila duket se është lënë pas, pas sinjaleve të fundit të pajtimit. Ndjekësit kanë vënë re edhe një ndryshim në rrjetet sociale, ku të dy kanë rifilluar ndjekjen reciproke në Instagram, duke ushqyer edhe më tej zërat për një rikthim të marrëdhënies.

Megjithatë, asnjëri prej tyre nuk ka dhënë një deklaratë zyrtare mbi raportin aktual, duke lënë hapësirë për interpretime dhe kuriozitet në publik.