Ylli spanjoll i futbollit, Lamine Yamal, po tërheq vëmendjen jo vetëm me paraqitjet e tij në fushë, por edhe me jetën private. Futbollisti 18-vjeçar, një nga talentet më të rinj të Kupës së Botës 2026, ka bërë publike lidhjen e tij me influenceren spanjolle Inés García.

Çifti u shfaq për herë të parë së bashku në fund të muajit maj 2026, gjatë darkës festive të organizuar nga FC Barcelona për të kremtuar sezonin e suksesshëm të skuadrës. Yamal dhe García pozonin së bashku në një fotografi të publikuar nga klubi katalanas, duke konfirmuar kështu marrëdhënien e tyre.

Inés García është një influencere nga Sevilla, e njohur për përmbajtjen e saj mbi modën dhe bukurinë. Ajo numëron afro 1 milion ndjekës në TikTok dhe rreth 600 mijë në Instagram, ku publikon rregullisht kombinime veshjesh, këshilla bukurie dhe momente nga përditshmëria.

Edhe pse ka pranuar se ka frikë nga fluturimet, García udhëtoi drejt Shteteve të Bashkuara për të mbështetur Yamalin në Kupën e Botës. Para një prej ndeshjeve, ajo publikoi një foto e veshur me fanellën e Spanjës, ku në shpinë ishte emri dhe numri i futbollistit, duke shkruar: “Vamos mi amorrrr”.

Mbështetja e saj vazhdoi edhe gjatë turneut. Pasi Yamal shënoi golin e tij të parë në Kupën e Botës në sfidën kundër Arabisë Saudite, García e përgëzoi në rrjetet sociale me një mesazh emocionues: “Lojtari më i mirë në botë është në 2,000,000% dhe është gjithashtu në duar të sigurta.”

Yamal kishte hyrë në turne pas një dëmtimi në muskujt e kofshës dhe në ndeshjen e parë të Spanjës u aktivizua si zëvendësues. Megjithatë, në takimin ndaj Arabisë Saudite ai e nisi si titullar dhe realizoi golin e parë në një Kampionat Botëror.

Pas ndeshjes, futbollisti ia dedikoi golin nënës së tij, të dashurës Inés García, miqve dhe të gjithë njerëzve në qytetin e tij të lindjes, Mataró.

Me sukseset në fushë dhe mbështetjen e partneres së tij, Lamine Yamal po jeton një nga periudhat më të rëndësishme të karrierës dhe jetës personale.